Betri deildin málríkari enn Premier League og La Liga
Taka vit ta føroysku kappingina í mun til kappingar í Evropa, so koma fleiri mál í Betri deildini enn í bestu deildunum í Onglandi og Spania, fyri at nevna tvey dømi
162 mál eru skotin í teimum fyrstu 50 dystunum í Betri deildini í ár.
Hetta merkir, at í meðal eru 3,24 mál skotin í hvørjum dysti í Betri deildini higartil í ár.
Tríggir av teimum av teimum fyrstu 50 dystunum í ár eru endaðir málleysir, meðan fimm av teimum eru endaðir við einum máli, 1-0 ella 0-1.
Í 10 dystum eru tvey mál komin, meðan í 14 dystum eru trý mál komin.
5 dystir eru endaðir við fýra málum, 6 dystir eru endaði við fimm málum, meðan 5 dystir eru endaðir við seks málum.
Ein dystur er endaður við sjey málum (Víkingur-Skála 5-2), meðan ein er endaður við átta málum (B36-Skála 6-2).
Bundesliga gevur Betri deildini kapping
Taka vit ta føroysku kappingina í mun til kappingar í Evropa, so koma fleiri mál í Betri deildini enn í bestu deildunum í Onglandi og Spania, fyri at nevna tvey dømi.
836 mál eru skotin í teimum fyrstu 312 dystunum í Premier League í ár. Hetta gevur í miðal 2,68 mál fyri hvønn dyst.
Í La Liga í Spania eru 796 mál skotin í teimum fyrstu 310 dystunum í ár. Hetta gevur í miðal 2,57 mál fyri hvønn dyst.
Í Seriu A í Italia eru 831 mál skotin í 280 dystum higartil í ár. Hetta gevur í miðal 2,97 mál fyri hvønn dyst.
Í Ligue 1 í Fraklandi eru 704 mál skotin í 279 dystum higartil í ár. Hetta gevur í miðal 2,52 mál fyri hvønn dyst.
Bundesliga í Týsklandi er nakað væl málríkari enn hinar deildirnar. Har eru 982 mál skotin í 306 dystum - tað er í miðal 3,21 mál fyri hvønn dyst.
Vinarliga broyt tínar kennifíla - og privatlívsstillingar fyri at síggja hetta innihald