Gestablíð Madonna bjóðar kannabis til føðingardagsveitslu
Madonna feiraði 62-ára dagin hjá sær við manér á karabisku oynni Jamaika
Hýrurin var góður á Madonnu, tá hon í vikuskiftinum helt sín 62-ára føðingardag á karabisku oynni Jamaika.
Amerikanska songkvinnan, sum gjørdist heimskend í 1980-unum við songum sum "Borderline", "Like a Virgin" og "Material Girl", gjørdi ikki mætari enn at halda føðingardagin tvey kvøld á rað.
Hetta skrivar millum annað The Independent.
(Mynd: Instagram/Madonna)
Millum tey, sum vóru við til føðingardagsveitslurnar hjá Madonnu, var 25-ára gamli unnustin hjá henni, Ahlamalik Williams, og fimm av hennara seks børnum - Lourdes (23 ár), David Banda (14 ár), Mercy James (14 ár) og tvíburðarnir Estere og Stelle (7 ár).
Madonna var gestablíð og bjóðaði gestunum hjá sær kannabis.
Á einari mynd á Instagram skrivar songkvinnan, sum altíð hevur verið kend fyri at vera umstrídd, "vælkomin til Jamaika", meðan hon hevur eina joint í munninum og ein tallerk fullan av kannabis.
(Mynd: Instagram/Madonna)
Á eini aðrari mynd heldur Madonna um unnustan Ahlamalik, og á eini triðju mynd heldur hon um dóttir sína Lourdes.
(Myndir: Instagram/Madonna)
Á eini fjórðu mynd sæst Madonna gera seg til reiðar áðrenn føðingardagin. Til hesa myndina skrivar Madonna: "Resting Birthday Bitch Face."
(Mynd: Instagram/Madonna)
Vinarliga broyt tínar kennifíla - og privatlívsstillingar fyri at síggja hetta innihald