back-icon

menu-icon
06.09.2020 17:11

J.K. Rowling í Nólsoyarfirði?

Harry Potter-rithøvundurin kann vera umborð á marglætisjátt sum liggur í Nólsoyarfirði

(Mynd: Sverri Egholm)
06.09.2020 17:11 Hvat.fo

Í farna mánað skrivaðu íslendskir miðlar um marglætisjáttina, sum í dag liggur á Nólsoyarfirði. Tá var heimskendi rithøvundurin J. K. Rowling umborð á bátinum saman við manninum og dóttrini. Tey vóru í landi í Íslandi.

Sambært heimasíðuni yachcharterfleet.com kostar tað millum 300.00 og 325.000 evrur um vikuna at leiga játtina. Altso millum 2,2 og 2,4 mlliónir danskar krónur.

[object Object]J. K. Rowling (Mynd: EPA)

Av Tórshavnar Havn verður sagt, at Calypso kom í Nólsoyarfjørð tá klokkan var umleið átta í morgun, men meira vita tey ikki.

– Hon hevur ikki verið í sambandi við okkum, hon er helst komin her at kroka fyri veður, segði vakthavandi á Tórshavnar Havn við Portalin fyrr í dag.

[object Object](Mynd: Sverri Egholm)

Játtin Calypso er bygd í 2003, er 61,5 metrar lang og 11 metrar breið. Sambært MarineTraffic kemur Calypso úr Íslandi ávegis til Bodø í Noreg.

(Rættað 6. september 21:54 í mun til hvat tað kostar at leiga játtina)