Framleiðararnir av James Bond, “No Time To Die” hava í kvøld á Twitter boðað frá, at frumsýnignin enn einaferð er útsett.

MGM, Universal and Bond producers, Michael G. Wilson and Barbara Broccoli, today announced the release of NO TIME TO DIE, the 25th film in the James Bond series, will be delayed until 2 April 2021 in order to be seen by a worldwide theatrical audience. pic.twitter.com/NqHlU24Ho3

— James Bond (@007) October 2, 2020

Filmurin skuldi vísast í biografunum í apríl mánað í ár, men varð útsettur orsaka av koronasmittuni, sum rakti heimin í vár. No Time To Die, sum er 25. filmurin av James Bond, varð í fyrsta umfari útsettur til 20. november, men nú er altso greitt, at tað verður av ongum.

Orsøkin er enn einaferð koronastøðan kring heimin, og frumsýningin hesaferð er 2. apríl 2021.

(Skíggjamynd úr brellbitanum fyri filmin)

Hesin filmurin hevur føroyskt íslett. Í september í fjør vóru upptøkur gjørdar í Kalsoynni, og í nýggjasta brellbitanum av filminum, sæst eitt sekund av Føroyum - av Kallinum. Landslagið er nógv broytt, men Føroyar er tað.