Sofie Linde, sum síðani 2016 hevur verið vertur í donsku tónleikakappingini X Factor, gevst tá vinnarin í ár er funnin, og upptøkutólini eru sløkt.

Hóast tað ikki hevur verið ein løtt avgerð at taka, so kennist hon røtt - og eitt sindur spennandi, skrivar kendi verturin á Instagram.

(Mynd: Sverri Egholm)

- Vit standa á gáttini til kappingina í ár, og eg gleði meg til at trína á pall saman við dugnaligu luttakarunum og dómarunum eina síðstu ferð, sigur Sofie Linde.

Seinastu árini hava fleiri føroyingar luttikið í X Factor. Í fjør komu Kári Fossdalsá og Tina Mellemgaard heilt til finaluna. Í ár luttók Olvheðin Jacobsen, og hann reyk út í Six Chair Challenge.