Plátuvendarin Martin Jensen er nýggi dómarin í danska X Factor. Hann skal saman við Thomas Blachman og Oh Land manna dómaratoymið, tá X Factor aftur kemur á skíggjan í januar 2021.

Martin Jensen er kendur fyri hittini “Solo Dance”, “All I Wanna Do”, og “Nobody”, sum saman við øðrum løgum eru við til, at 28 ára gamli plátuvendarin hevur 2,5 milliardir stroymingar.

Hann tekur yvir eftir Ankerstjerne, sum seinastu tvey árini hevur verið X Factor-dómari.

Thomas Blachman hevur seinastu trý árini saman við sínum luttakarum vunnið kappingina.

Danska X Factor verður víst á TV2 við Sofie Linde sum verti.