Arena Næstved verður í kvøld karmur um danska Melodi Grand Prix. Millum teir átta luttakararnar er havnarmaðurin Rani Petersen, sum kallar seg Reiley.

Hann verður av veddingarfyritøkum mettur at liggja væl fyri, og summar meta enntá, at Reiley fer at vinna.

(Savnsmynd: Jens Kr. Vang)

Rani Petersen fer at framføra lagið "Breaking My Heart", men føroyingar mugu brynja seg við toli, tí Reiley verður tann síðsti sum fer á pallin í Næstved í kvøld.

Til ber eisini hjá føroyingum at atkvøða, og tað verður gjørt ókeypis umvegis appina DR Grand Prix.

Danska Melodi Grand Prix verður víst á DR1 frá klokkan 19 føroyska tíð.

Appin kann takast niður her:

> App store

> Android