back-icon

menu-icon
15.02.2021 18:11

Gunnvør var stúrin um Føroyaferðina við forsíðufrúunum

Hevði verið so kedd um tað var skaðiligt fyri umdømið av Føroyum, sigur Gunnvør Virgarsdóttir

Fýra av forsíðu frúunum á Hotel Havgrím. Gunnvør Virgarsdóttir uttast til høgru (Mynd: Jackie Navarro / Instagram)
15.02.2021 18:11 Hvat.fo

38 ára gamla Gunnvør Virgarsdóttir var stúrin um at koma til Føroya við Forsíðufrúunum í fjørsummar.

- Í tí løtuni eg lendi í Føroyum, fái eg altíð eina serliga kenslu. Ættarbondini til Føroya hava nógv at siga fyri meg, og tí er Føroyar eitt av tí týdningarmiklasta. Eg hevði eitt hugskot um, at eg vildi hava staðið fyri meg sjálvan, sigur Gunnvør Virgarsdóttir við Realityportalen.dk.

Mamma og pápi Gunnvør eru úr Føroyum, og í dag búgva pápin og systkin hennara í Danmark. Kortini hevur hon nógva familju í Føroyum.

[object Object](Mynd: Jackie Navarro / Instagram)

Hon var stúrin undan ferðini, tí hon føldi at hyggjararnir vórðu tiknir við á innsta lag, og hon var bangin fyri hvussu frúurnar fóru at skikka sær. Forsíðufrúurnar eru ikki altíð heimsins bestu vinir, og dramatikkur kann tí vera í sendingunum.

- Eg var bangin um, at okkurt kundi ganga galið, og alt tað kundi enda við at vera skaðiligt fyri umdømið av Føroyum. Tað hevði eg verið so kedd av, sigur hon við Realityportalen.

Hóast óttan hjá 38 ára gomlu forsíðufrúuni, so gingu upptøkurnar væl, og tað vóru ikki teir nógvu tvídráttirnir á túrinum.

- “Frúurnar” vóru positivar og høvdu virðing. Vit hava jú allar okkurt, sum ikki verður víst í sjónvarpinum, og fyri meg var tað Føroyar, sum eg vil ansa eftir.

Júst hvat tær hava gjørt í Føroyum kemur ikki fram, men millum annað vóru tær á floti við Magna Blástein í Vestmanna og verið ein túr við rib-báti.

[object Object](Mynd: Jackie Navarro / Instagram)