back-icon

menu-icon
26.01.2021 13:40

Teitur troyttur av hørðu koronatiltøkunum: Fyribils fluttur til Føroya

Í Danmark kennist tað, sum man situr í fongsli, sigur lívligi realityluttakarin

(Mynd: TV3)
26.01.2021 13:40 Hvat.fo

Teitur Skoubo, sum veruliga gjørdist kendur tá hann í 2019 vann danska Paradise Hotel hevur pakkað sær kuffertið, og er komin til Føroya.

25 ára gamli havnardrongurin sigur við Realityportalen, at tað í Danmark kennist sum man situr í fongsul.

- Tað er uttan iva venjingarmiðstøðirnar, sum eg sakni mest, men eg sakni eisini frælsi, sum eg kenni tað sum, er tikið frá mær. Eg haldi tað kennist sum at sita í fongsli, og man hevur ikki loyvi til nakað sum helst, sigur Teitur við Realityportalin.

- Tað, at man kann fara út at eta, á café, fara í býin og hugna sær við ymsum tiltøkum sakni eg so nógv.

- Eg eri farin heim til Føroya. Her er alt opið, og næstan einki korona, sigur Teitur, og greiðir frá, at hann flutti úr Føroyum, tí tað hendi ov lítið, men nú er støðan øvugt.

Lívligi realityluttakarin veit ikki, hvussu leingi hann verður verandi í Føroyum, men í øllum førum skulu venjingarmiðstøðirnar lata upp aftur áðrenn, hann fer niður aftur, greiðir hann frá.

Í summar lóttóku Teitur og táverandi unnustan, Christel Trubka, í sendingini Singletown og settu parlagið upp á spæl. Tað endaði við, at tey í heyst valdu at fara hvør til sítt, eftir at hava verið saman síðani januar í fjør.