Níggju kilo eru skramblað av Sunnvá Dahl Rasmussen seinastu fimm mánaðirnar. Hon og unnustin gjørdust landskend í november í fjør, tá tey vunnu sendingina Nýbyggjararnir á danska TV2 og samstundis húsini í Silkeborg, sum tey høvdu innrættað.

Ta kvøldið, tey vunnu sendingina, avdúkaði argjadaman, at Martin Høgfeldt Olsen hevði verið á knæ. Nú er greitt, at brúdleypið verður í Føroyum nýggjársaftan.

Í sambandi við stóra dagin ynskir hon at vera í toppformi, og tað hevur eydnast. Upp á einans fimm mánaðir. Tað var lættari enn hon hevði væntað, segði Sunnvá Dahl Rasmussen við Ekstrablaðið til Reality Awards í Keypmannahavn í síðstu viku.

Martin Høgfeldt Olsen og Sunnvá Dahl Rasmussen (Mynd: Privat)

- Tað hevur ikki verið so strævið, sum eg hevði væntað. Eg havi verið í einari tilgongd, har tað fyri meg mest hevur snúð seg um kostin.

- Vælverumiðstøðirnar hava verið stongdar tað mesta av tíðini orsakað av korona, men eg havi gingið nógv og eisini vant nakað við hús, men annars er tað kosturin, sum eg havi hugsað mest um.

- Eg eri stolt, men tað er eitt sindur spell at eg ikki havi gjørt tað fyrr, tá tað hevur verið lutafalsliga lætt, sigur Sunnva Dahl Rasmussen.

Áðrenn og aftaná (Mynd: Privat)

Tað er Sólbjørg Skoubo, persónligur venjari, sum hevur hjálpt Sunnvá at koma í toppform. Sólbjørg Skoubo er sjálv nógv lætnað, og hevur eisini tikið útbúgving innan øki.

- Tað er ikki so torføt, sum summi gera tað. Tað snýr seg um at hava kaloriuavlop. Tað er einasti máti at lætna. Tað kann gerast við hvørt at eta færri kaloriur ella við at venja meira, sigur Sólbjørg Skoubo við Ekstrablaðið.

Enn eru Sunnvá Dahl Rasmussen og Martin Høgfeldt Olsen ikki flutt inn í húsini, tey vunnu í Silkeborg, men nú verður tað skjótt. Parið ætlar av álvara at flyta inn 1. august.