- Fleiri royna at bagatellisera porno
Steffan Klein Poulsen úr Miðflokkinum heldur, at trupulleikin við pornografi verður undirmettur av mongum í dagsins samfelag
Steffan Klein Poulsen, løgtingsmaður fyri Miðflokkin, gleðist um, at stjórnin í Ný Sælandi nú er farið undir eitt átak at upplýsa um porno á netinum.
Ungi tingmaðurin úr Hvannasundi hevur gjørt tað til sítt vørumerki, síðan hann varð valdur á ting í fjør, at tosa um neiligu avleiðingarnar av pornografi, og nú nýsælendska stjórnin ynskir at hjálpa foreldrum við teimum vandum, sum eru á alnetinum, herundir porno, so fegnast hann.
- Tað var ikki uttan orsøk, at eg fyri tíð síðani setti ein skrivligan fyrispurning um at verja børnini ímóti porno, tí at porno av øllum slag liggur víðopið fyri teimum á internetinum, sigur hann í eini viðmerking.
Les meira: Trupult at avmarka pornografinýtsluna hjá børnum og ungum
Les meira: Svínaður til fyri at vilja avmarka porno
Steffan Klein Poulsen heldur, at trupulleikin við pornografi verður undirmettur av mongum í dagsins samfelag.
Kunnu víðka galdandi barnapornofiltur
- Ein einføld mynd uppá hetta kundi verið, at eingi børn sluppu út á Tinganes, og at vit høvdu tveir møguleikar fyri at kontrollera hesum.
- Fyrsti møguleiki: Vit seta eitt GPS-chip á allar borgarar í Føroyum, soleiðis at øll óviðkomandi verða steðgað, áðrenn tey koma út á Tinganes. (Eyðmerkja børn og vaksin á internetinum).
- Seinni møguleikin: Vit seta eitt hegn upp, sum forðar fólki at koma út á Tinganes. (Eitt generelt filtur fyri porno). Tann seinni møguleikin er als ikki eitt stórt inntriv í privatlívið samanborið við tann fyrra, segði Steffan Klein Poulsen mai mánaði.
Vinarliga broyt tínar kennifíla - og privatlívsstillingar fyri at síggja hetta innihald